Er bod y mwyafrif helaeth o staff newydd yn dechrau trwy wneud dwy i dair blynedd o waith heddlu rheng flaen, mae’r cyfleoedd i ddatblygu gyrfa yn anferth - ac nid trwy’r rhengoedd mewn iwnifform yn unig.
Rolau’r heddlu
Ar ôl gorffen y cyfnod prawf yn llwyddiannus, gallwch wneud cais i weithio mewn amrywiaeth anferth o rolau ac unedau arbenigol, gan gynnwys:
- Plismona cymunedol - yn ymwneud â rolau fel plismona ardal a phlismona’r ffyrdd.
- Ymchwilio - yn amrywio o ymchwilwyr i leoliadau troseddau a swyddogion cyswllt teuluol i waith fforensig ac ymchwilwyr i gam-drin domestig.
- Cudd-wybodaeth - rolau yn cynnwys dadansoddwyr gwylio, gweithredwyr cudd ac ymchwilwyr i ddata cyfathrebu.
- Cefnogaeth weithredol - rolau yn amrywio o swyddogion canolfan reoli a’r ddalfa, i rolau arbenigol fel trin cŵn, deifwyr yr heddlu, swyddog arfau tanio a gwyliwr pêl-droed.
Hyfforddiant a datblygu gyrfa
Trwy gydol eich gyrfa yn yr heddlu byddwch yn cael hyfforddiant parhaus, cefnogaeth a chyfarwyddyd i sicrhau bod gennych bopeth i wneud eich gwaith yn ddiogel a hyderus.
Gwirfoddoli
Nid oes raid i chi ymuno i wneud gwaith cyflogedig yn syth bob tro. Gallwch wirfoddoli fel Cwnstabl Arbennig, lle byddwch yn gwneud yr un hyfforddiant â Chwnstabl Heddlu cyflogedig arferol, gan ymrwymo i leiafswm o bedair awr yr wythnos. Dysgwch ragor am beth mae hynny’n ei olygu.