Sefydliadau cymorth
Mae nifer o sefydliadau'n gweithio i sicrhau bod ein heddluoedd yn gynrychioliadol o'n cymunedau. Darganfyddwch beth maen nhw'n ei wneud i hyrwyddo amrywiaeth a chynhwysiant a'r gefnogaeth maen nhw'n ei chynnig.
Cefnogi amrywiaeth
Sut rydym yn creu gwasanaeth heddlu amrywiol a chynhwysol
- Prosesau recriwtio a dethol - mae pob proses recriwtio heddlu yn deg ac yn seiliedig ar deilyngdod.
- Gweithredu Cadarnhaol - mae gan heddluoedd amrywiaeth o fentrau ar y gweill i annog pobl o bob cefndir i wneud cais i ymuno â'r heddlu a chefnogi swyddogion sy'n gwasanaethu. Edrychwch ar wefan eich heddlu dewisol i weld pa fentrau gweithredu cadarnhaol maen nhw'n eu cynnal.
- Ystyriaethau ffydd - mae heddluoedd yn cefnogi pob crefydd, gan wneud addasiadau i roi'r amser a'r rhyddid i swyddogion ymarfer eu ffydd.
Gyda'n gilydd rydym yn wahanol, #AsOneWeServe
Mae Cymdeithas Uwch-arolygwyr yr Heddlu (PSA), sy'n cynrychioli uwch arweinwyr mewn heddluoedd ledled y Deyrnas Unedig, wedi ymrwymo i gefnogi amrywiaeth o fewn plismona.
Mae'r ffilm hon yn rhoi cipolwg gwerthfawr i ni ar brofiadau amrywiol a chymysgedd ysbrydoledig o gefndiroedd a phersonoliaethau eu haelodau. Gallwch ei gwylio yma.
Eisiau gwybod mwy am y broses ymgeisio?
Mae nifer o lwybrau mynediad gwahanol ar gyfer ymuno â'r heddlu, yn dibynnu ar eich profiad a'ch cymwysterau addysgol. Darganfyddwch pa lwybr mynediad allai fod yr un gorau i chi.
Llwybrau i blismona