Triniwr Cŵn

Rhaid i bob recriwt heddlu gwblhau cyfnod prawf o 2-3 blynedd ar y rheng flaen. Ond ar ôl eich cyfnod prawf, mae amrywiaeth enfawr o rolau gwahanol y gallech symud ymlaen iddynt, gan gynnwys swyddi arbenigol fel trin cŵn.

Dyma ychydig mwy am yr hyn y mae bod yn driniwr cŵn heddlu yn ei olygu.

• Wrth ymateb i geisiadau am gymorth cŵn heddlu, byddwch yn darparu arbenigedd proffesiynol, cyngor tactegol a chymorth gweithredol i swyddogion rheng flaen.
• Byddwch yn cynnal chwiliadau gyda’ch ci, gan gynnwys dod o hyd i bobl sydd ar goll, cynorthwyo i arestio troseddwyr a chefnogi swyddogion yn eu hymchwiliadau.
• Eich rôl chi hefyd yw helpu i reoli cŵn peryglus neu gŵn sydd allan o reolaeth i amddiffyn diogelwch y cyhoedd.
• Byddwch yn dal a rheoli cŵn pan fydd swyddogion rheng flaen yn cynnal gwarantau chwilio neu ymyriadau mewn safleoedd.
• Byddwch chi a'ch ci yn cynnal patrolau i helpu i ganfod ac atal troseddu.
• Byddwch yn darparu cyngor arbenigol ar leoli cŵn i gyfrannu at ymchwiliadau a strategaethau.
• Byddwch yn rhoi sgyrsiau addysgol i gydweithwyr a’r cyhoedd, i hysbysu pobl o rolau hanfodol cŵn heddlu, yn ogystal â chefnogi a datblygu’r berthynas rhwng yr heddlu a’r cyhoedd.

Ond yn bwysicaf oll, byddwch yn gofalu, yn hyfforddi ac yn rhoi cartref i’ch ci arbenigol i sicrhau ei fod yn hapus, yn iach ac yn gallu cyflawni ei ddyletswyddau’n effeithiol.

Dyma un ffordd yn unig y gallai eich gyrfa yn yr heddlu fynd â chi ar ôl cwblhau eich cyfnod prawf yn llwyddiannus. Dysgu rhagor am ddilyniant gyrfa.